Түркістан облысы Полиция департаментіне қарасты Патрульдік полиция батальонының қызмет инспекторы Ерназар Манасұлының әр жұмыс күні жауапкершіліктен басталады. Оның басты мақсаты – жол қауіпсіздігін қамтамасыз ету, қоғамдық тәртіпті сақтау және азаматтардың тыныштығын күзету.
Қызметтік таралымнан кейін патрульдік полиция қызметкерлері бекітілген бағыттарға шығып, жолдағы ахуалды бақылауға алады. Ал төмендегі бейнероликтегі тәртіп сақшысы Е.Манасұлы Сауран шеп бекетін қабылдап, трассадағы көліктердің қозғалысын бақылап, жүргізушілерінің аман-есен діттеген жеріне баруын қадағалайды.
Полиция капитаны Сүйіндік Ерназар Манасұлы бұл салада 10 жылдан астам уақыттан бері қызмет етіп келеді.
-Жолдағы тәртіпке бір сәт немқұрайлы қараудың өзі үлкен қауіпке әкелуі мүмкін. Сондықтан әр қызметкер өз міндетіне жауапкершілікпен қарап, азаматтардың қауіпсіздігін басты орынға қоюы қажет. Жол қауіпсіздігін күзету — менің міндетім!» – дейді полиция капитаны.
Түркістан облысы ПД баспасөз қызметі
