Түркістан облысы ПД Есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу кезінде есірткі заттарын сақтаудың 2 фактісін анықтап, 4 келіден астам «марихуана» тәркіледі.
Мәселен полиция қызметкерлері Сарыағаш ауданында «Audi» автокөлігінің жүргізушісін ұстады. Тексеру кезінде көліктің салонынан есірткі заты бар 3 полиэтилен пакетін тапты.
Алынған заттың жалпы салмағы 3 келіден астам «марихуана» болып шықты.
Сондай-ақ жедел уәкілдер Сайрам ауданы тұрғынының үйін тінту кезінде өсімдік тектес есірткі заты бар 4 полиэтилен орамасын тәркіледі. Алынған есірткінің салмағы шамамен 1 келі «марихуана» екені расталды.
Қазіргі уақытта есірткі заттарын заңсыз сақтау фактілері бойынша сотқа дейінгі тергеу амалдары жалғасуда.
Күдіктілер полицияға жеткізілді. Барлық мән жайлар анықталуда.
Түркістан облысы ПД баспасөз қызметі
