Алдағы жылдары Петропавлдағы әйелдер колониясының орналасу орнын ауыстыру жоспарлануда. Бұл туралы№50 мекемеде сотталған әйелдермен кездесуде Солтүстік Қазақстан облысы қылмыстық-атқару жүйесі Департаментінің басшысы Берік Біләлов мәлімдеді.
Қазіргі уақытта әйелдер колониясының орналасқан жері қылмыстық-атқару жүйесінің күзет объектілерін жабдықтау жөніндегі талаптарға сәйкес келмейді, оған сәйкес объектінің тіршілік әрекетін және күзет жарығын қамтамасыз ететіндерді қоспағанда, іргелес аумақтың шекарасына жалпыға ортақ пайдаланылатын жолдар, тұрғын және қызметтік құрылыстар, өңделетін алқаптар және басқалар кірмеуі тиіс.
Қала аумағының кеңеюіне байланысты мекеменің айналасында тұрғын үйлер, сауда-ойын-сауық орталықтары және т. б. ғимараттар салынуда.
Жаңа мекеме барлық қажетті үй-жайларды қамтиды: монша, асхана, тұрғын және өнеркәсіптік аймақтар, мәдениет үйі,спортзал және мектеп. Барлық үй-жайлар стандарттарға сәйкес және оқыту үшін компьютерлермен, тексерудің және күрделі бейнебақылаудың жаңа технологияларымен жабдықталады.
Айтпақшы, қазір орта және орта арнаулы білімі бар сотталған әйелдер қашықтықтан жоғары білім ала алады. Қазіргі уақытта жергілікті университеттердің көмегімен білім басқармасымен меморандум жасасу мәселесі қаралуда.
Сотталғандардың көпшілігі тұрғын үйге бастапқы жарнаны жинақтау үшін банкте депозит ашуға қызығушылық танытты, бұл болашақ қайта әлеуметтенуге оң әсер етеді. Естеріңізге сала кетейік, ынтымақтастық аясында облыстың ҚАЖ Департаменті Отбасы банктің жергілікті филиалымен меморандум жасалды.
Сондай-ақ, Берік Біләлов мекеменің жылу жүйесін түзету қажеттігін атап өтіп, мекеменің жеке құрамымен әңгімелесті. Ол үй-жайлардың бір бөлігі жеткілікті түрде жылынбайтыны қызметкерлер мен сотталғандардың денсаулығына әсер ететінін атап өтті. Тиісті жылумен қамтамасыз ету қыс мезгілінде басым мәселелердің бірі болып табылады.
