Петропавл әуежайы сатылымға шығарылды

16 наурызда Петропавл әуе айлағы сатылымға шығарылды. Өтінімдер 15 күн бойы қабылданады. Әуежайдың бастапқы құны — 5,6 миллиард теңге, — деп хабарлайды Tengrinews.kz тілшісі.

СҚО жолаушылар көлігі және автомобиль жолдары басқармасының басшысы Мақсат Баяхмет бұл ақпаратты растап, жергілікті биліктің әуежайды неге сенімді басқаруға беру туралы шешім қабылдағанын түсіндірді.

«Республикада 15-тен аса әуежай бар. Олардың жартысына жуығы сенімгерлік жолмен немесе мемлекеттік-жеке серіктестік арқылы басқарылады. Біздің әуежай министрліктер қарамағында, яғни мемлекеттік меншікте болды (ҚР ИИДМ, ҚР ҚМ). Одан әрі кәсіпорын банкротқа ұшырады, әкімдік барлық мүлікті осы кәсіпорыннан сатып алды. Енді әкімдік осы мүліктік кешенді бәсекеге қабілетті ортаға беру үшін әуежайды жекешелендіріп, сенімгерлік басқаруға беруге тырысып жатыр. Яғни, нысан инвесторды қызықтырса, онда даму және инвестициялар бойынша шарттар жасалады, сөйтіп, ол қатыса алады (сауда-саттыққа)», — деді Мақсат Баяхмет.

Шенеунік әкімдік бюджеті есебінен әуежайды дамытуға неге көңіл бөлінбейтінін түсіндірді.

«Мүлікке қатысты қарыз жоқ. Әуе кеңістігі туралы заңнамаға сәйкес рұқсат беру құжаттарын алу қажет: лицензия, қауіпсіздік сертификаты. Мұның бәрін қамтамасыз ететін қолданушы ретінде сертификатталған болу керек. Инвестор үш жыл ішінде инфрақұрылымды 1,5 миллиардқа жақсартуы қажет», — деді әкімдік өкілі.

СҚО жолаушылар көлігі және автомобиль жолдары басқармасының басшысы Мақсат Баяхмет 

Бұл сомаға Петропавл әуе айлағын қажет техникамен толық жарақтандыру, әуежайдың кейбір ғимараттары мен құрылыстарын күрделі жөндеу кіреді. Бұл мәселелер шешілмейінше, болашақ иесі нысанды жекешелендіре алмайды. Ал электрон сауда-саттыққа қатысу құқығына ие болу үшін оның шотында кемінде 800 миллион теңге болуы тиіс. Әуежай сатып алушысында тек ақша емес, сонымен қатар қазір жетіспейтін білікті мамандарды жұмысқа тарту жоспары болуы керек.

«Бізде авиациялық тәжірибесі бар қызметкерлер, кейбір мамандар жетіспейді. Дипломы бар мамандар жоқ. Яғни, қазір жүзеге асырылатын рейстерге арналған қызметкерлер саны жеткілікті, бірақ одан әрі дамытып, штатты ұлғайту үшін бәсекеге түсетіндей жалақы белгілеу керек. Бұл қызметкерлер түнгі уақытта да жұмыс істеуі үшін қажет», — деді Баяхмет.

Қазір Петропавл әуежайында 100-ге жуық адам жұмыс істейді. Техникалық қызметкерлер 60 мың теңге, басшылық лауазымдардағы мамандар 150 мың теңге алады. Бүгінде СҚО облыс орталығынан Нұр-Сұлтан мен Алматыға ұшуға болады. Олар — субсидияланған рейстер.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.