Павлодар облысында коронавирус жұқтырғандар саны өсуіне байланысты шектеу шаралары ұзартылды. Өңірдің бас санитар дәрігері Батырбек Әлиевтің карантин режимін тағы бір аптаға созу туралы қаулысы жарияланды, — деп хабарлайды Tengrinews.kz тілшісі.
Облыстық Санэпидбақылау департаментінің мәліметінше, карантин ұзартылды, себебі облыс «қызыл» аймақта орналасқан.
«Павлодар облысында тұрғындар арасында Сovid-19 таралуының алдын алу мақсатында демалыс күні локдаун, шектеу іс-шаралары режимінің орындалуына, оның ішінде маскалық режим мен әлеуметтік қашықтықты сақтауға, әлеуметтік маңызы бар объектілердің жұмыс кестесіне ерекше бақылау сақталады», — деді ведомствоның баспасөз қызметі өкілдері.
Жаңа қаулы Павлодар облысының аумағында 2021 жылғы 8 ақпанда сағат 00.00-ден бастап қолданысқа енеді және 15 ақпанда түн ортасына дейін жалғасады.
