Мәжіліс Төрағасы Парламент палаталарының бірлескен отырысын шақыру туралы өкімге қол қойды, — деп хабарлайды Tengrinews.kz тілшісі.
Отырыс 2 қыркүйекте сағат 11:00-де Астанада өтеді.
«Қазақстан Республикасы Конституциясының 58-бабы 4-тармағының 2) тармақшасына сәйкес Астана қаласында 2024 жылғы 2 қыркүйекте сағат 11.00-де Қазақстан Республикасы Парламенті палаталарының бірлескен отырысы шақырылсын», — делінген өкімнің мәтінінде.
Қыркүйекте Қазақстанда жаңа саяси маусым басталады. Қалыптасқан дәстүр бойынша, ол Президенттің Жолдауынан басталады.
Бұған дейін, сарапшылардан Президенттің Жолдаудағы тапсырмаларының қалай орындалып жатқанын және бұл құжаттың мемлекеттік аппарат үшін неге аса маңызды екенін сұраған едік.
