Сарыкемер ауылында Байзақ аудандық Азаматтардың хал актілерін тіркеу (АХАТ) бөлімі ғимаратында «Отбасылық кеңес» кабинетінің салтанатты ашылуы өтті.
Іс-шараға судья А.Телесбаева, аудан әкімінің орынбасары Д.Дәулетов, бөлім басшылары, аудандық АХАТ бөлімінің басшысы С.Сқақов, Билер кеңесінің төрағасы мен мүшелері, медиаторлар қатысты.
Оны аудан әкімінің орынбасары Д.Дәулетов өз құттықтау сөздерімен ашып, «Отбасылық сот» пилоттық жобасы аясында «Отбасылық кеңес» кабинеті некелік, отбасылық қарым-қатынастарды реттеу, оңалту, жақсарту мақсатында, тараптарға неке-отбасылық құқықтарын қорғау бойынша мәлімет беру, түсіндіру үшін ашылғандығы жайлы айтып жеткізді.
Судья А.Телесбаева аудандық АХАТ бөлімі ғимаратында «Отбасылық кеңес» кабинетінің ашылуы барысында ерлі-зайыптылардың арасындағы некені бұзу азайтылып, психологтар, Билер кеңесі мен медиаторлардың көмегімен тараптар татуласып, отбасыларын сақтап қалу мүмкіншілігі артатыны айтылды.
«Отбасылық кеңес» кабинетінің ашылу салтанатынан кейін қатысушылар мұндай кабинеттердің облысымыздың барлық аудандарында ашылу керектігін жеткізді.
Байзақ аудандық сотының баспасөз қызметі
Жамбыл облысы
