Олжас Сүлейменов — қазақ әдебиеті мен қоғамдық өмірінде терең із қалдырған көрнекті тұлға. Ол ақын ретінде ұлттық руханиятты дамытуға үлес қосса, қоғам қайраткері ретінде ел тағдырына қатысты маңызды мәселелерге белсенді араласты.
Сот саласының маманы ретінде атап өтерлігі, Олжас Сүлейменовтің қоғамдық қызметі заң үстемдігі, адам құқығы және азаматтық жауапкершілік қағидаттарымен үндеседі. Оның бастамасымен құрылған «Невада – Семей» антиядролық қозғалысы халықтың қауіпсіздігін қорғауға бағытталған тарихи шешімдердің қабылдануына ықпал етті. Бұл — қоғам мүддесін қорғаудың нақты үлгісі.
Сонымен қатар Олжас Сүлейменов халықаралық деңгейде Қазақстанның бейбітшілік идеясын насихаттап, дипломатиялық қызметте де ел абыройын арттырды. Оның шығармалары мен қоғамдық көзқарастары әділдік, парасат және адамгершілік құндылықтарын дәріптейді.
Бүгінде Олжас Сүлейменовтің өмір жолы мен еңбегі қоғамға адал қызмет етудің, азаматтық ұстанымның және рухани жауапкершіліктің жарқын үлгісі ретінде бағаланады.
Ә.Мұхитқызы, Ақтөбе қаласының әкімшілік құқық бұзушылықтар жөніндегі мамандандырылған ауданаралық сотының бас маманы
