ОҚУШЫЛАР ДЕМАЛЫС КЕЗІНДЕ ҚОСЫМША БІЛІМ БЕРУ МЕКЕМЕЛЕРІНЕ БАРА АЛА МА?

Қазақстан азаматтарында коронавирустық инфекцияны жұқтыру жағдайларының анықталуына байланысты мемлекеттік қосымша білім беру мекемелерінің жұмысы тоқтатылатын болады, ал педагогтер ақылы еңбек демалысын ала алады. Білім және ғылым министрлігі бұл қызмет түрі лицензияланбағандықтан коронавирустың өршуі кезінде ата-аналарға балаларды әртүрлі даму орталықтарына жібермеуге кеңес береді.
Елімізде 16 наурыздан 5 сәуірге дейін оқушылар мен тәрбиеленушілердің халықаралық спорттық, мәдени, туристік іс-шараларға шығуына, сондай-ақ, өзге де бұқаралық іс-шараларды өткізуге тыйым салынды. Жалпы білім беретін пәндер бойынша оқушылардың республикалық олимпиадасының IV кезеңін, ауыл мектептері үшін «Мың бала» Ұлттық зияткерлік олимпиадасын өткізу уақыты да кейінге шегеріліп отыр.