Оқу-ағарту министрі Жұлдыз Сүлейменова білім сапасын арттыру үшін дәстүрлі жазба жұмыстары қайта енгізілетінін айтты, – деп хабарлайды aqshamnews.kz тілшісі.
“Мектеп бағдарламасы жаңартылып жатыр. Енді 5-7 сыныптарда «Конституция негіздері», 8-9 сыныптарда «Заң және тәртіп» оқытылады. Ал жоғары сыныптарда «Құқық негіздері» пәндері міндеттеледі. Бұл өзгерістер балалардың тек білімін емес, тәртібі мен жауапкершілігін күшейтуге бағытталған”, – дейді министр.
Оның пайымынша, жаңа пәндер «Адал азамат» бағдарламасы аясында енгізіледі. Сондай-ақ экологиялық тәрбиеге мән беріліп, кей пәндер қайта оралады. Мысалы, 8-9 сыныптарда «Қазақстан географиясы» аптасына екі сағаттан оқытылады. Осылайша мектеп бағдарламасы енді тек білім беруге емес, тәрбие мен заңды құрметтеуге бағытталмақ.