Нұр себеле, Ұлыстың ұлы күні

Абай облысы бойынша ҚАЖ Департаменті №21 мекеме қызметкерлері «Семей қаласының орталықтандырылған кітапхана жүйесі» КММ қызметкерлері шақыруымен «Нұр себеле, Ұлыстың ұлы күні» тақырыбында көрісу мейрамы, амал мерекесін атап өтеді.
Шараға «Ертіс толқындары» ансамбілі, М.Төлебаев атындағы музыка училищесінің студенттері мен кітапхана оқырмандары қатысты.
Мерекелік кеш жасы кішілердің үлкендерге арнайы сәлем беріп, қол алысып, ізгі тілектерін жеткізумен басталып, кітапханашы Көрісу күні – халықты береке-бірлікке, татулыққа бастайтын ежелден келе жатқан төл мереке екенін атап өтеді.
Кеш жалғасында «Ертіс толқындары» ансамбілі мерекелік ән шырқап, М.Төлебаев атындағы музыкалық училищесінің студенттері режиссер Болат Қамзиннің жетекшілігімен театрландырылған «Қауышу» қойылымын ұсынды.
Наурыз ұлттық мереке болғандықтан, қазақтың салт-дәстүрлері туралы айтып кету де дұрыс деп саналады. Қазақтың ежелден келе жатқан салт-дәстүрлерінің бірі «Тұсау кесер» рәсімі, «Baursak Day» шеберлік сағаты ұйымдастырылды.
Сонымен қатар бұл күні фотоаймақ, «Қазақ халқының кұндылықтары» атты кітап көрмесі ұсынылып, кеш қонақтарына арнайы әзірленген Наурыз көже, ыстық бауырсақтарынан дәм тарттық. Абай облысы бойынша ҚАЖ Департаменті №21 мекеме қызметкерлері ұйымдастырылған шара бойынша алғыс білдіреді.