Мемлекеттік қызметкер болу-қоғам мен мемлекетке қызмет етудің жауапты әрі абыройлы жолы. Бұл таңдаудың бірнеше маңызды себептері бар:Қоғамға қызмет ету: Мемлекеттік қызметкерлер халықтың әл-әуқатын арттыру, қоғамдық тәртіпті сақтау және мемлекеттік бағдарламаларды іске асыру арқылы елдің дамуына үлес қосады. Олар азаматтардың қажеттіліктерін қанағаттандыруға бағытталған қызметткрді ұйымдастырып, қоғамның тұрақтылығы мен өркендеуіне ықпал етеді.
Тұрақты жұмыс орны:
Мемлекеттік қызмет тұрақты жалақы, әлеуметтік кепілдіктер және еңбек заңнамасына сәйкес құқықтардың сақталауын қамтамасыз етеді. Бұл қызметкерлерге сенімділік пен болашаққа деген тұрақтылық сезімін береді.
Кәсіби даму мүмкіндіктері:
Мемлекеттік қызметте қызметкердің біліктілігін арттыру, тәжірибе жинақтау және мансаптық өсу мүмкіндіктері қарастырылған. Әртүрлі оқу бағдарламалары мен семинарлар арқылы өз саласында кәсіби маман болуға жағдай жасалады.
Мемлекетшілдік сана: Мемлекеттік қызметкерлер елдің мүддесін бірінші орынға қойып, мемлекетшілдік сананы қалыптастыруға үлес қосады. Олар өз қызметі арқылы ұлттық құндылықтарды насихаттап, қоғамның дамуына ықпал етеді.
Жемқорлықпен күрес:
Мемлекеттік қызметкерлердің адалдығы мен жауапкершілігі қоғамдағы жемқорлық деңгейін төмендетуге ықпал етеді. Олар заңдылық пен әділдікті сақтай отырып, қоғамның сенімін арттырады.
Жастарға үлгі болу: Мемлекеттік қызметте жүрген азаматтар өз еңбегімен жастарға үлгі болып, оларды стресске төзімділікке, отансүйгіштікке, жауапкершілікке және адалдыққа тәрбиелейді. Бұл болашақ ұрпақтың мемлекетке деген сенімін нығайтады.
Мамандық таңдау кезінде әртүрлі факторлар әсер етеді, олардың ішінде материалдық жағдай, қызығушылық, қоғамға пайда келтіру ниеті және тағы басқа да. Жастарға айтар едім мемлекеттік қызметті таңдағанда, азаматтар өздерінің құндылықтары мен мақсаттарын ескеру маңызды. Бүл салада жұмыс істеу тұрақты табыс пен әлеуметтік кепілдіктермен қатар, қоғамға қызмет етудің жоғары жауапкершілігін жүктеледі.
Мемлекеттік қызметті таңдау – қоғам мен мемлекетке адал қызмет етуге дайын, жоғары моральдық және кәсіби қасиеттерге ие азаматтар үшін маңызды қадам.
Сонымен қатар, мемлекеттік қызметкер болу елдің дамуы мен қоғамның әл-әуқатын арттыру жолында маңызды рөл атқаратын жауапты қызмет. Бұл жолды таңдау арқылы әр азамат өз елінің болашағына үлесін қоса алады.
Өскемен қаласының әкімшілік
құқық бұзушылықтар жөніндегі
мамандандырылған соты
әкімшісінің басшысы Ш.А.Ислямова
