Бүгін көктемнің жаңарудың, бірліктің және берекенің символы саналатын ұлы Наурыз мейрамына орай Қармақшы аудандық сот ұжымы Қармақшы ауданында жаңадан бой көтерген «Руханият» орталығына барды.
14-23 наурыз аралығы – Наурыз мейрамына арналған іс-шаралармен ерекшеленеді. 19 Наурыз-рухани және табиғи жаңару күні деп бекітілген. Сондықтан,бұл іс-шара халықтын рухани бастаулары мен мәдени мұрасымен жақынырақ танысуға тамаша мүмкіндік болды.
Қызметкерлер орталықтағы қазақ халқының бай тарихын, дәстүрлері мен салт-санасын бейнелейтін көрмелермен танысты.
Бұл сапар ұжым мүшелері үшін тек мәдени емес, рухани тұрғыда да бай тәжірибе болды. Ол Наурыздың – бейбітшілік, келісім мен жаңа бастамалардың мерекесі екенін тағы бір мәрте еске салды.
Қармақшы аудандық соты