Мемлекеттік тіл – елдің тәуелсіздігі мен тұтастығының басты нышандарының бірі. Қазақстан Республикасының Конституциясына сәйкес, қазақ тілі – мемлекеттік тіл болып табылады. Бұл мәртебе қазақ тілінің қоғамдық өмірдің барлық саласында кеңінен қолданылуын қамтамасыз етуге бағытталған.
Мемлекеттік тілдің мәртебесін арттыру – тек мемлекеттік органдардың емес, бүкіл қоғамның ортақ міндеті. Әрбір азамат өз іс-әрекеті арқылы мемлекеттік тілдің дамуына, оның беделінің артуына үлес қосуы тиіс. Қазақ тілін құрметтеу, күнделікті өмірде қолдану және жас ұрпаққа үйрету – ел болашағына қосылған маңызды үлес болып табылады.
Бүгінгі таңда мемлекеттік тілдің қолданыс аясын кеңейту бағытында түрлі бағдарламалар мен іс-шаралар жүзеге асырылуда. Дегенмен, тіл саясатының нәтижелі болуы ең алдымен азаматтардың сана-сезіміне, тілге деген құрметіне байланысты.
Қазақ тілін білу – мемлекеттік қызмет атқарудың, қоғамдық өмірге белсенді қатысудың басты шарты. Сондықтан әрбір қазақстандық азамат мемлекеттік тілде еркін сөйлеп, оны дамытуға атсалысуы қажет.
Қорытындылай келе, мемлекеттік тілдің мәртебесін көтеру – еліміздің дамуы мен бірлігінің кепілі. Бұл бағытта барша азаматтың белсенді ұстанымы мен жауапкершілігі айрықша маңызға ие.
Н.А.Бирманова
Ақтөбе облысының кәмелетке толмағандардың істері жөніндегі мамандандырылған ауданаралық сотының бас маман- сот отырысының хатшысы
