Қазақстан Республикасында сот ісін жүргізу мемлекеттік тілде жүзеге асырылуы тиіс. Бұл талап Конституция мен қолданыстағы заңнамаларда бекітілген және азаматтардың құқықтары мен заңды мүдделерін толық әрі тиімді қорғауға бағытталған.
Сот процесін мемлекеттік тілде жүргізу тараптардың іс материалдарын еркін түсінуіне, өз ұстанымдарын нақты білдіруіне және әділ сот шешіміне қол жеткізуіне мүмкіндік береді. Сонымен қатар, мемлекеттік тілдің сот жүйесінде кеңінен қолданылуы құқықтық мәдениетті қалыптастыруға және сот төрелігінің ашықтығын қамтамасыз етуге ықпал етеді.
Қазіргі таңда сот органдарында мемлекеттік тілдің қолданылу аясын кеңейту бойынша жүйелі жұмыстар жүргізілуде. Дегенмен, бұл бағытта мамандардың тілдік құзыреттілігін арттыру және құқықтық құжаттардың сапасын жетілдіру қажеттілігі сақталып отыр.
Осыған байланысты мемлекеттік тілдің сот ісін жүргізудегі рөлін нығайту – құқықтық мемлекет қағидаттарын іске асырудың маңызды шарты болып табылады.
Измаганбетова Данель Жангазыевна, Қарақия аудандық сотының жетекші маманы
