Мемлекеттік тіл – кез келген тәуелсіз елдің ең басты тіректердің бірі. Ол тек қарым-қатынас құралы ғана емес, халықтың рухани байлығы, мәдениеті мен тарихының айнасы болып табылады. Сондықтан, «мемлекеттік тіл-қоғамның негізі» деген тұжырым терең мағынаға ие.
Қазақстан Республикасында мемлекеттік тіл – қазақ тілі. Қазақ тілі – ғасырлар бойы қалыптасқан, ұлттың дүниетанымын, салт дәстүрін, рухани құндылықтары бойына сіңірген қасиетті тіл. Бұл тіл арқылы, ата-бабаларымыз өз ойларын жеткізіп, ұрпаққа мол мұра қалдырды. Бүгінгі таңда сол мұраны сақтап, әрі қарай дамыту – әрбір азаматтың міндеті.
Мемлекеттік тіл қоғамдағы бірлікті нығайтады. Бір тілде сөйлейтін халықтың арасында түсініктік пен ынтымақ болады. Тіл – адамдарды жақындастыратын, ортақ мақсатқа жетелейтін күш. Егер қоғам мүшелері мемлекеттік тілді еркін меңгерсе, онда ел ішіндегі байланыс күшейіп, әлеуметтік тұрақтылық артады.
Сонымен қатар, мемлекеттік тіл білім мен ғылымның дамуына да ықпал етеді. Ана тілінде білім алған адам өз ойын еркін жеткізе алады, терең ойланып, жаңа идеялар ұсына алады. Бұл өз кезегінде елдің интеллектуалдық әлеуетін арттырады. Қазіргі заманда қазақ тілін ғылым, технология, бизнес салаларында кеңінен қолданылуы – оның болашағының жарқын екенінің белгісі.
Мемлекеттік тіл – ұлттық бірегейліктің негізі. Тілін жоғалтқан халық өзінің мәдениеті мен тарихынан алыстайды. Ал тілін сақтаған ел – өз болмысын сақтайды. Сондықтан қазақ тілін дамыту – тек тіл мамандарының ғана емес, бүкіл қоғамның ортақ міндеті. Әрбір отбасы, әрбер мектеп, әрбім ұйым мемлекеттік тілдің мәртебесін көтеруге үлес қосуы тиіс.
Бүгінге мемлекеттік тілді дамыту бағытында көптеген жұмыстар атқарылып жатыр. Қазақ тілінде білім беру жүйесі жетілдіріп, түрлі бағдарламалары жүзеге асырылуда. Дегенмен, бұл бағыттағы жұмыс ешқашан тоқтамауы керек. Әсіресе жастардың тілге деген қызығушылығын арттыру – аса маңызды мәселе.
Жамбыл облысының қылмыстық істер жөніндегі мамандандырылған аудараралық соты әкімшісінің бас маманы: Бекенов Бауыржан
