Жақында мен әлеуметтік желілерден өзіміздің мемлекеттік рәміздер жайлы қызықты деректер оқыдым. Оқыдым да көңілімді ерекше мақтаныш сезімі бөледі. Халықаралық байрақты бәсекелерді айтпағанның өзінде біздің Әнұран мектепішілік шараларда әуелегенде бәріміздің көңіліміз өсіп, мерейіміз асқақтап қалады. Рәміздер – Отаны, елі, туған жері бар елде ғана болады. Бұл тұрғыдан қазақ халқы бақытты.
Кең байтақ жері бар, тəуелсіздігі берік, халқы ынтымақшыл, жастары патриот. Мен интернеттен оқыған деректе кез келген Қазақстан азаматының құжатында міндетті түрде Елтаңба бейнеледі екен жəне Қазақстан туы үнемі оң жаққа қарай желбіреуге тиіс екен. Маған бұл деректер өте қызық болды. Сынаптастарыма айтсам олар да бұл деректі білмейді екен. Біз өз жеріміз, Отанымыз, баспанамыз болғанына мың мəрте шүкіршілік етеміз. Қазіргі жастар патриот, елін жерін сүйеді. Əнұранымыз əуелесе бірге шырқап, домбырасымен күйін күмбірлетіп ел мерейін еселеп көтеріп жүр. Халықаралық əртүрлі спорттық жарыс, олимпиада, чемпионаттарда біздің замандастарымыз оза шауып, Туымызды көкке көтеріп, желбіретіп, Əнұранды əуелетіп жатса арқаланбайтын қазақ жоқ. Осы тұрғыда бүкіл ел қашанда өз отандастарына тілектес. Кез келген мемлекеттік мекемеге барсаңыз Көктуымыз желбіреп тұрады. Бұл да жас ұрпаққа сабақ, мақтаныш. Мен осындай Отанда туғаныма мақтанамын. Əрқашан ұлттық рəміздеріміз асқақтай берсін. Ел мерейі шынайы тəуелсіздігімен асқақ. Біз жастар осы елдің асыл құндылықтарын əрқашан дəріптеуге тиіспіз.
Жұлдыз Нұржақып, 9-сынып оқушысы, Тараз қаласы
