Мемлекеттік рәміздер – Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. Сондай-ақ рәміздер – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды белгілер.
Қызылорда облысы бойынша ҚАЖ департаменті №60 мекемесінің жеке құрамы атаулы күнге орай әнұран шырқады.
- Мемлекеттік рәміздер – ұлттық байлығымыз. Баршамызды біріктіредін құндылық. Туымыз көкке көтерілгенде — әрбір қазақстандық мақтаныш пен патриоттық сезімді сезінеді. Елтаңба бейнеленген көк байрақ еліміздің барша азаматтарына ортақ шаңырақтың нышаны. Әнұранымызды шырқаудың өзі біз үшін үлкен мәртебе,- деді Қызылорда облысы бойынша ҚАЖ департаменті №60 мекеме бастығы Мақсұт Өтегенұлы Өтетлеуов.
Адина Ұзақбай
Қызылорда облысы бойынша ҚАЖД
