Мемлекеттік тіл – еліміздің тәуелсіздігі мен бірлігінің басты нышандарының бірі. Қазақ тілі – Қазақстан Республикасының мемлекеттік тілі ретінде қоғамның барлық саласында кеңінен қолданылуы тиіс. Осы орайда мемлекеттік қызметшілердің мемлекеттік тілді құрметтеп, оның мәртебесін арттырудағы рөлі ерекше.
Мемлекеттік қызметші – халық пен билік арасындағы алтын көпір. Сондықтан әрбір мемлекеттік қызметші өз қызметін атқару барысында мемлекеттік тілді еркін меңгеріп, оны күнделікті қарым-қатынаста және ресми құжат айналымында кеңінен қолдануы қажет. Мемлекеттік тілді білу – тек заң талабы ғана емес, сонымен қатар елге деген құрметтің көрінісі.
Бүгінде мемлекеттік тілді дамыту мақсатында түрлі семинарлар, дөңгелек үстелдер мен оқыту курстары ұйымдастырылып келеді. Бұл шаралар мемлекеттік қызметшілердің тілдік сауаттылығын арттырып қана қоймай, олардың кәсіби біліктілігін де нығайтады.
Мемлекеттік тілді биік қою – әрбір азаматтың, әсіресе мемлекеттік қызметшінің басты міндеттерінің бірі. Ана тіліміздің мәртебесін көтеру арқылы біз ұлттық құндылықтарды сақтап, болашақ ұрпаққа үлгі боламыз.
Тіл – ұлттың жаны, халықтың рухани байлығы. Сондықтан мемлекеттік қызметшілер мемлекеттік тілдің қолданыс аясын кеңейтуге және оның беделін арттыруға әрдайым үлес қосуы тиіс.
Ақтөбе қаласының әкімшілік құқық бұзушылықтар жөніндегі мамандандырылған ауданаралық сотының бас маман – сот отырысының хатшысы Ж.Мұратова
