Мемлекеттік қызмет – елдің мүддесіне адал еңбек — бұл ең алдымен Отанға деген шексіз сүйіспеншілік пен халық игілігі жолындағы жауапкершілік. Бұл қызметтің негізгі мақсаты – жеке мүддеден мемлекет мүддесін биік қою, әділдік, ашықтық және азаматтардың сенімін ақтау.
Мемлекеттік қызметкер болу – мансап немесе жоғары лауазым емес, бұл мемлекет пен халық арасындағы алтын көпір болуды талап ететін үлкен сын. Еліміздің әлеуметтік-экономикалық дамуы, заңдардың сақталуы және қоғамдағы тұрақтылық көбінесе осы салада жұмыс істейтін мамандардың кәсібилігі мен адалдығына тікелей байланысты. Қазақстанның Ата Заңы мен Мемлекеттік қызмет туралы заңнамада көрсетілгендей, мемлекеттік қызметші әрбір азаматтың құқығын қорғап, сыбайлас жемқорлыққа жол бермеуі тиіс.
Адал еңбек дегеніміз – өз жұмысына асқан жауапкершілікпен қарау, әрбір қабылданған шешімнің халыққа тигізетін пайдасын ойлау. Мемлекеттік қызметте істейтін әрбір маман өз ісінің шебері, әрі отаншыл азамат болуы шарт. Ұлт ұстазы Ахмет Байтұрсынұлының: «Басшының ісі – халықтың алдында жол көрсетуші болу», – деген сөздері мемлекеттік қызметкердің негізгі ұстанымына айналуы тиіс. Халыққа қызмет ету – ең абыройлы міндет. Мемлекеттік қызметшілердің бойындағы патриотизм, жоғары адамгершілік және өз халқына деген шынайы жанашырлық елдің қарыштап дамуының кепілі болып табылады.
Қорытындылай келе, мемлекеттік қызмет – тек қағаз толтыру немесе кабинетте отыру емес, ол – еліміздің жарқын болашағы үшін жасалатын қажырлы әрі адал еңбек. Мемлекеттің дамуы мен ұлттың әл-ауқаты осы қызметтің қаншалықты таза, әрі әділ атқарылуына тікелей байланысты. Әрбір мемлекеттік қызметкер өз еңбегімен мемлекетіміздің беделін көтеріп, гүлденуіне үлес қосары сөзсіз.
Умралиева А. Орал қаласының №2 сотының бас маманы
