Мектептерде жасанды интеллект технологиялары енгізіле бастаған. Бұл туралы Оқу-ағарту министрлігі Орта білім комитетінің төрағасы Қаныбек Жұмашев мәлімдеді, — деп хабарлайды Massaget.kz тілшісі.
Оның айтуынша, 2024-2025 оқу жылынан бастап мектептерде жасанды интеллект (ЖИ) технологиялары енгізіле бастаған. Министрлік мәліметінше, ЖИ оқу процесінің барлық деңгейінде қосымша білім беру құралы ретінде пайдаланылады.
«200 мыңға жуық педагог дайындалды. Олар бүгінде дәріс беріп жүр. Жасанды интеллект — оқудың сапасына, оның жан-жақты игерілуіне көмектесетін құрал. Педагогтің негізгі рөлі қалады. ЖИ ешқашан педагогті алмастыра алмайды», – деді Қаныбек Жұмашев.
Оның айтуынша, жаңа оқу жылынан бастап «Информатика» пәні «Информатика және жасанды интеллект» деп аталады.
