Денсаулық сақтау министрлігі оқушыларға қандай жағдайда маскасыз жүруге болатынын айтты, — деп хабарлайды Tengrinews.kz тілшісі.
«Бас мемлекеттік санитария дәрігерінің қаулысымен мектептерде маска тағу бойынша жаңа шаралар енгізілді. Бетпердесіз жүруге тек «жасыл» немесе «сары» аймақта орналасқан өңірлердегі мектеп оқушыларына рұқсат етіледі. Жеті күн бойы қауіпсіз жағдайда тұрған мектептер ғана. Егер өңір «сары» аймақтан «жасыл» аймаққа өтетін болса»,-деді тамақтану, тәрбие және білім беру нысандарын санитарлық-гигиеналық бақылау және қадағалау басқармасының басшысы Марал Рахымжанова.
Ол бетпердесіз жүру талабының «қызыл» аймақта орналасқан өңірлердегі мектептерге қатысы жоқ екенін ескертті.
