Мекемеде ұлттық киім күні аталып өтті

2024 жылдан бастап Мемлекет басшысының ұсынысымен еліміздің барлық өңірінде Наурыз мерекесін жаңа форматта өткізу жоспарланған болатын
Тарихи тұрғыдан алғанда он күнге жалғасатын бұл іс-шара Наурызнама деп аталады. Мерекені 14-24 наурыз аралығында өткізу ұсынылды. Наурыздың бірегей логотипі бекітіліп, еліміздің барлық аймағына таралды.
Ұлттық киім-ұлттың сәні ғана емес, болмысын да айшықтайды. «Наурызнаманың» 5-ші күні, яғни, 18 наурыз — Ұлттық киім күніне арналды. Атырау облысы бойынша Қылмыстық — атқару жүйесі департаментінің 79 мекемесінің қызметкерлері осы атаулы мерекені атап өтті. Ұлттық киімге арналған бұл күн ата-бабамызды, ұрпақтан-ұрпаққа жалғасып келе жатқан әдет-ғұрыптарды еске алатын ерекше кезеңге айналуда. Ұлттық брендімізге айналған – ұлттық киімдердің ұлықталатын көңілге жылылық ұялататын ою-өрнекпен безендірілген киімдер расында, көздің жауын алады.
Ұлттық киім күні дәстүрлі киім арқылы мәдени дәстүрлердің бірегейлігі мен алуан өзгешілігін көрсететін маңызды оқиға. Бұл күні адамдар өздерінің мәдениеті мен тарихына, ата-бабаларына құрмет көрсету және өз мұраларын басқалармен бөлісу үшін ұлттық киім киеді. Мекеменің қызметкерлері де бұл күнді арнайы нысанды киіммен емес, ұлттық киіммен өткізді.