Мекеме жеке құрамы чемпионат жеңімпаздарын құттықтады

Қазақстан Республикасы Ішкі істер министрлігі Қылмыстық-атқару жүйесі комитеті қызметкерлері арасында өткен қоян-қолтық күрестен XV чемпионаты өз мәресіне жетті. Абай облысы ҚАЖД №19 мекемесінің чемпионатта жоғары нәтиже көрсетіп, жүлделі орын қанжылаған қызметкерлерін, әріптестері мен мекеме басшылығы құттықтады.
Спорттық додаға еліміздің түкпір-түкпірінен келген 10 команданы құрайтын 53 ҚАЖ қызметкерлері қатысып, күш-жігері мен шеберліктерін ортаға салған болатын. Жеңімпаздар арасында мекеме қызметкерлері: Токжігітов Дәурен мен Сайлыбаев Ғалымжан да бар еді.
Қоян-қолтық күрес — тек дене күші ғана емес, тактикалық ойлау мен шапшаңдықты талап ететін спорт түрі. Сондықтан бұл жарыс қатысушылардың кәсіби және физикалық дайындық деңгейін айқындаған айтулы шара болды-дейді чемпионат төрешісі Дастан Исабеков.
Бүгінгі жеңіс – табандылық пен тынымсыз еңбектің нәтижесі. Қызмет пен спортты қатар алып жүрген сіздер – нағыз ерлік пен үлгінің иесісіздер. Бұл жеңіс тек сіздерге емес, тұтас ұжымға ортақ мақтаныш, – дейді мақтанышын жасыра алмаған мекеме бастығының орынбасары Айдын Калелов.
Мекеме ұжымы жеңімпаздарды зор ықыласпен қарсы алып, олардың жетістігін лайықты атап өтті. Мұндай іс-шаралар қызметкерлер арасында серпіліс туғызып, саламатты өмір салтын ұстануға ынталандырады. Сонымен қатар, жас қызметкерлер үшін де үлкен мотивация болып табылады.