Солтүстік Қазақстан облысы бойынша қылмыстық-атқару жүйесі Департаменті және ведомстволық бағынысты мекемелері тұрақты негізде Солтүстік Қазақстан облысы мекемелерінің аумағына тыйым салынған заттардың кіруіне жол бермеу бойынша жедел-алдын алу іс – шараларын жүргізеді.
СҚО бойынша ҚАЖ Департаментінің қызметкерлері мақсатты жедел-алдын алу іс-шараларын жүргізу нәтижесінде көлік құралының «ЕС-164/3 мекемесі» РММ аумағына кіру кезінде кабинаны тексеруді жүзеге асыру кезінде 3 бірлік ұялы телефон мен 2 сим карта табылды және алынды, олар кейіннен осы мекемеде жазасын өтеп жатқан сотталғандарға беруге арналған.
Әрі қарай жедел алдын алу іс-шарасын жүргізу кезінде көлік құралының жүргізушісі азамат «Е» мекеме аумағына ұялы телефондар кіргізу ниетін мойындады және өз еркімен тағы 1 ұялы телефон мен 2 сим-картаны берді.
Жоғарыда көрсетілген ұялы байланыс құралдары белгілі бір ақшалай сыйақы үшін СҚО бойынша ҚАЖД ЕС-164/3 мекемесінің аумағына әкелуге арналған.
Аталған факті бойынша азамат «Е» ҚР ӘҚБК 481 бабы бойынша әкімшілік жауапкершілікке тартылып, 10 АЕК мөлшерінде айыппұл салынды. Телефондар, сим-карталар, ақшалай қаражаттар мемлекет пайдасына тәркіленді.
СҚО бойынша ҚАЖД баспасөз қызметі
