Кентау қалалық полиция бөліміне мейрамхана иесі, жергілікті тұрғын арызданды. Кәсіпкердің айтуынша, оның мейрамханасына белгісіз біреу есігін бұзу арқылы заңсыз кіріп, теледидар, дыбыс күшейткіш, колонка аппараттарын жымқырып кеткен. Жәбірленушіге 1 миллионнан астам шығын келген. Аталған жайт ҚР ҚК-нің 188-бабы «Ұрлық» бойынша тіркеуге алынды.
Аталмыш ұрлық қылмысы бойынша кентаулық полицейлер жедел-іздестіру жұмыстарын жүргізді. Полицейлер барлық қажетті шараларды іске асырып, күдіктінің жеке басын анықтады. Ол жергілікті тұрғын, сол мейрамхананың қызметкері болып шықты.
Белгілі болғандай күдікті ер адам мейрамханада техникалық құралдарға жауапты адам болып жұмыс жасаған. Содан ақшадан қиналған мейрамхана қызметкері мейрамханада ешкімнің жоқтығын пайдаланып, өз арам ойын жүзеге асырған. Қолды қылған заттарды танысына сатып жіберген.
Қазіргі таңда полиция қызметкерлері күдіктінің басқа да қылмыстарға қатысы бар-жоғын анықтауда. Сотқа дейінгі тергеу амалдары жүргізілуде.
Түркістан облысы ПД баспасөз қызметі
2026 жылғы 25 қыркүйек – Қазақстан Республикасындағы Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
