Медиацияның басты мақсаты – бітімгершілік

Қазіргі қоғамда дау-дамайларды сотқа жеткізбей, тараптардың өзара келісімге келуі маңызды мәселелердің бірі болып табылады. Осы тұрғыда медиация институтының рөлі ерекше. Медиация — тәуелсіз, бейтарап медиатордың қатысуымен тараптардың өзара тиімді шешімге қол жеткізуіне бағытталған дауларды реттеу рәсімі.

Медиацияның басты мақсаты — бітімгершілікке қол жеткізу, тараптар арасындағы өзара түсіністік пен сенімді сақтау. Бұл рәсім дауласушы тараптардың құқықтары мен заңды мүдделерін сақтай отырып, жанжалды өршітпей шешуге мүмкіндік береді.

Қазақстан Республикасының «Медиация туралы» Заңы медиацияны қолданудың құқықтық негіздерін айқындайды. Заңға сәйкес медиация азаматтық, еңбек, отбасылық және басқа да құқықтық қатынастардан туындайтын даулар бойынша кеңінен қолданылады. Сонымен қатар, заңда көзделген жағдайларда қылмыстық және әкімшілік істер шеңберінде де медиация рәсімін пайдалану мүмкіндігі қарастырылған.

Медиацияның артықшылықтары аз емес. Ең алдымен, уақыт пен қаржыны үнемдеуге мүмкіндік береді. Сот талқылауына қарағанда медиация рәсімі қысқа мерзімде өткізіледі. Екіншіден, рәсім құпиялылық қағидатына негізделген, яғни тараптар туралы мәліметтер жария етілмейді. Үшіншіден, қабылданған шешім екі тараптың да ерікті келісімі негізінде жүзеге асырылады.

Бітімгершілік — қоғамдағы тұрақтылық пен өзара сыйластықтың кепілі. Медиация адамдар арасындағы қарым-қатынасты сақтап қана қоймай, келешекте туындауы мүмкін даулардың алдын алуға ықпал етеді. Сондықтан медиация мәдениетін қалыптастыру және оның мүмкіндіктерін кеңінен насихаттау құқықтық мемлекетті дамытудың маңызды бағыттарының бірі болып қала береді.

Дауды сот арқылы шешу әрдайым тиімді нәтиже бере бермейді. Кей жағдайда өзара түсіністікке негізделген келісім екі тарап үшін де анағұрлым қолайлы шешім болып табылады. Осы орайда медиация қоғамдағы татулық пен келісімді нығайтуға қызмет ететін маңызды құқықтық құрал ретінде өз маңызын арттыра түсуде.


                          Г.Искакова, Қызылорда қаласының әкімшілік құқық бұзушылықтар жөніндегі мамандандырылған сотының судьясы

Строительство Almaty SuperSki набирает темпы, запуск курорта намечен на декабрь 2028 года

Казахстан занял первое место в Центральной Азии по индексу...

Сыбайлас жемқорлықтың алдын алу бағытында экскурсия ұйымдастырылды

Қызылорда облысы бойынша Қылмыстық-атқару жүйесі департаментіне қарасты №68 мекемесіне...

Строительство кластера Almaty SuperSki находится в активной фазе

Премьер-министр РК Олжас Бектенов провел заседание Совета директоров компании...

Almaty SuperSki кластерінің құрылысы қарқынды жүріп жатыр

Қазақстан Премьер-министрі Олжас Бектенов Kazakh Tourism Development Ltd. компаниясы...

Пример беззаветного служения науке, закону и родной стране

Жизненный и профессиональный путь Еркеша Калиевича Нурпеисова, видного ученого-правоведа,...