Украиналық вирусолог Вадим Аристов COVID-19-дан сенімді қорғайтын құралды атады. Бұл туралы ол «Украина 24» телеарнасының тікелей эфирінде айтты, — деп хабарлайды Tengrinews.kz тілшісі.
Аристовтың айтуынша, респираторлар коронавирустан қорғауда тиімдірек және қазір бұл құрал қолжетімді.
«Әңгіме маскалар туралы емес, респираторлар туралы болуы керек, өйткені күтпеген жерден іздеу немесе экономикалық жетіспеушілік дегендер артта қалды. Қазір тыныс жолдарының инфекциясынан дұрыс қорғану керек», — деді дәрігер.
«Респираторлар медициналық маскаларға қарағанда 8-12 есе жақсы қорғайтыны белгілі. Өйткені олар тығыз орналасады, толық контур жасайды және вирус қалың қорғаныш арқылы сүзіледі. Маскалар тек вирустың алдыңғы жақтан келуінен қорғайды, ал оның үсті, екі жағы ашық», — деп түсіндірді Вадим Аристов.
