Алматы қаласы Алатау ауданына қарасты КМҚК №76 бөбекжай балабақшасында жекеменшік мектепке дейінгі ұйым әдіскерлеріне арналған “Мамандықтар еліне саяхат” атты кәсіптік бағдар беру семинары өтті.
Іс-шараның мақсаты – мектепке дейінгі жастағы балаларды түрлі мамандықтармен таныстырып, еңбек адамдарының еңбегін құрметтеуге, болашақ мамандығына қызығушылық қалыптастыруға баулу.
Балаларға арналған “Өнеркәсіп кешені” орталығында әртүрлі мамандықтар таныстырылып, балалар өздерін түрлі рөлдерде сынап көрді.
“Құрылысшылар әлемінде” балалар кірпіш қалап, құрылысшы мамандығының жауапкершілігі мен еңбегін сезінді.
“Ақсай нан зауыты” бұрышында кішкентай наубайшылар бауырсақ, тәтті вафли, попкорн, шоколадты құлпынай және банан дайындап, дәмді тағам әзірлеу процесін қызығушылықпен орындады.
“Тігін шеберханасында” балалар инемен түйме қадап, киім тігіп, тігінші мамандығының нәзік те ұқыпты еңбегімен танысты.
“Банк қызметкерлері” бөлімінде балалар ақша санауды, банк ісінің тәртібі мен маңызын үйренді.
“Гид және таныстырушы” орталығында кішкентай экскурсоводтар келген қонақтарға бағыт-бағдар беріп, сөйлеу мәдениеті мен өзін-өзі ұстау дағдыларын көрсетті.
Ал “Теле студияда” балалар тележүргізуші және журналист рөлін ойнап, қонақтардан сұхбат алып, өзіндік шығармашылық қабілеттерін көрсетті.
Семинар барысында әдіскерлер мен педагогтер балалардың белсенділігіне жоғары баға беріп, кәсіптік бағдар жұмысының мектепке дейінгі кезеңнен басталуының маңыздылығын атап өтті.
КМҚК №76 бөбекжай балабақшасы ұжымы алдағы уақытта да балаларды еңбек сүйгіштікке, ізденімпаздыққа және мамандықты құрметтеуге баулу бағытындағы іс-шараларын жалғастыратын болады.