МАҚСАТЫ ОРТАҚ ЕЛДІҢ КЕЛЕШЕГІ КЕМЕЛ

«Берекені көктен тілеме, Бірлігі мол көптен тіле!» – дегенді ұрпақ санасына құйып өскен халықпыз. Содан болар, байлықты емес, татулықты ту етіп келеміз. Кең байтақ қазақ даласын Отаным деп түсінетін, болашағын, ұрпағының ертеңін Қазақстанмен байланыстыратын өзге ұлттар үшін де елдегі бірліктің, ынтымақтың орны бөлек. Ал, 1 мамырдың Қазақстан халықтарының бірлігі күні болып белгіленуі еліміздің теңдікті, татулықты тәу ететінін анық көрсетсе керек.

Ғасырлар бойы жібек жіптей үзілмей, жымдай болып жалғасып келе жатқан татулықтың тамыры тереңде. Тағдырдың жазуымен жаңа ортаға қоныс аударған өзге ұлттар ол күндерді ешқашан есінен шығара қоймас. Уақыт зымырағанмен, тарих ешқашан ұмытылмайды. Оны өзі әзірбайжан болса да «қаным қазақ» дейтін Асылы Осман апамыздың сөзінен, соңғы демі біткенше қазақтың жоғын жоқтаған Герольд Бельгердің естеліктерінен аңғаруға болады. «Бірінші тірегім – ата-анам. Екінші рухани тірегім – қазақтың ауылы. Жақсылықтың бәрін мен қазақ ауылынан алдым. Ол кездегі қазақтар бүгінгіден өзгешелеу болатын. Жүрегі алтын адамдар еді. Үшінші рухани тірегім – кітап. Кішкентайымнан кітапқа әуес болдым. Көп оқыдым. Үш тілде. Мені адам қылған осы менің рухани үш тірегім» – деген Герағаны қазақтар да неміс демейді, жақын тұтады, бауыры санайды.
Сол іштарту, өзге ұлттарға қолдау көрсету бүгінгі күнге дейін бір сәт те тоқтаған емес. Қазақстанда көптеген ұлттардың өз тілінде білім алуына, өз салт-дәстүрін жаңғыртуына еш кедергі жоқ. Керісінше, ұлттық арнадан арнайы хабарлар дайындалып, Қазақстанды мекендеген 130-дан аса ұлт пен ұлыстың көне тарихы, ұлттық киімі, ұлттық тағамы үнемі насихатталып келеді. Қонағын төріне шығаратын қазақы қалыппен өзге ұлттардың үлкен қалалардан мәдени орталықтар, театр ашып, газет-журналдар шығаруына да барлық жағдай жасалған. Қазақша сөйлеген, қазақтың мәселесін көтерген жандарды төбеге көтеру дағдымыз. Өзге ұлттардың оқуына, мамандық алуына, қызметтік сатымен жоғарылауына да бар мүмкіндік жасалған. Өйткені, Қазақстан – зайырлы ел, құқықтық мемлекет. Онда ешкімді ұлтына, тегіне, жынысына, әлеуметтік жағдайына қарай алалауға қақысы жоқ. Халықтар достығының, ұлттар үндестігінің отанына айналған елімізде татулықтың формуласы әлдеқашан қалыптасқан.
Әсіресе, Қазақстан халықтары Ассамблеясының құрылуы осы бір нәзік мәселенің тиімді шешілуінің тетігі болып отыр. Соңғы кездері ассамблеяның жұмысына пікір айтып, ұсыныс білдіретіндер көп. Себебі, ассамблеяның функциясы өзге ұлттардың базынасын тыңдап, байыпты шешім ұсынумен шектелмеуі керек. Бұл құрылымға жүктеліп отырған міндет қомақты. Мұндағы жұмыс ең алдымен жергілікті халық пен өзге ұлттар арасындағы үндестікті бір арнаға түсіруге, барша адамды бір мақсатқа біріктіруге бағытталуы тиіс. Өзге ұлттардың шыққан тегін, өткен тарихын ұмытпауына жағдай туғызған жөн. Бірақ бұл кеңпейілдік қазақтың дәстүріне шекеден қарауға, қазақы құндылықтарды аяққа таптауға әкелмеуі керек. Бауырларымыз төрге шығаруды төбеге шығару деп түсінбегені абзал. Соған орай сағымға айналып, санадан алыстап бара жатқан тарихи оқиғаларды ұрпақтың жадында жаңғыртып отырған артықтық етпейді. Бұл ұрпақ сабақтастығы, ұлттар бірлігі үшін қажет.
Нұрлан ШЫНТАЕВ

[ratings]

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.