Мұнайдың әлемдік бағасы өсті. Brent маркалы мұнай бағасы барреліне 78 доллардан асты, — деп хабарлайды Massaget.kz тілшісі.
Лондон ICE биржасында Brent маркалы мұнайдың тамыз фьючерстерінің құны Астана уақытымен 09:45-те 1,83 пайызға өсіп, барреліне 78,42 доллар болды.
WTI маркалы мұнайдың тамыз фьючерстерінің құны 1,88 пайызға өсіп, барреліне 75,23 доллар болды.
Негізгі себептері
АҚШ-тың Иранның ядролық нысандарына жасаған соққыларына байланысты мұнай бағасы өсті. Бұл әлемдік мұнай мен табиғи газ саудасының 25–30 пайызы өтетін Ормуз бұғазы жабылу қаупіне әкеп соқты.
