Қарағанды облысында 364 мемлекеттік қызметтің түрі көрсетіледі. 2025 жылы жалпы 17,7 млн мемлекеттік қызмет көрсетілді. Оның ішінде электрондық қызметтердің үлесі 98,4%-ды құрады.
Бақылау және тексеру жұмыстары бойынша 43 тексеріс жүргізіліп, жалпы 5021 заңбұзушылық анықталды. Тексеріс нәтижелері бойынша
23 ұсыныс енгізіліп, барлығы толық орындалды.
Сонымен қатар, 76 қызметші тәртіптік жауапкершілікке тартылып, 12 лауазымды тұлғаға қатысты 16 әкімшілік хаттама толтырылды. Жүргізілген тексерістер нәтижесінде 614 мемлекеттік көрсетілетін қызмет алушының құқықтары қалпына келтірілді. Заң бұзушылықтар негізінен жер мәселелері, сәулет, білім беру және көлік салаларында орын алды.
Ведомствоаралық жұмыс тобының 4 отырысы өткізіліп, 63 ұсыныс әзірленді, бұл өзара тиімді тәжірибе алмасуға және мемлекеттік қызмет көрсету сапасын жақсартуға мүмкіндік берді. Қоғамдық бақылау 19 қызмет көрсету нысанында жүргізіліп, анықталған бұзушылықтар толық жойылды.
Атқарылған шаралар мемлекеттік қызмет көрсету сапасын жақсартуға, заң бұзушылықтарды азайтуға және тұрғындардың құқықтарын қорғауға бағытталған тиімді жүйелі жұмыстардың іске асырылып жатқанын айқын дәлелдейді.
