Алматы қаласы Мамандандырылған күзет қызметі басқармасы 1- полиция батальонының жеке құрамы қызмет кезінде қайтыс болған әріптестері полиция старшинасы Айзат Жетенбайды еске алуға арналған шағын футболдан жарыс ұйымдастырды.
«Айзат Жетенбай да футболды шебер ойнайтын ойыншы болатын. Бүгінгі жарысқа оның достары да бір команда болып қатысып отыр. Бұл ойынды ұйымдастырудағы мақсатымыз – тек әріптесімізді еске алу ғана емес, сонымен қатар күзет қызметкерлерінің шынығуына және жедел шешім қабылдау қабілеттерін жетілдіруге ықпал ету»-дейді 1-полиция батальоны командирінің орынбасары полиция майоры Елтай Тохтахметов.
Аталған жарысқа алты команда қатысып, шағын футбол алаңында командалар жүлделі орындар үшін шебер ойын өрнегін көрсетті.
Тартысты өткен жарыста 2-взвод бірінші орынды жеңіп алса, 3-взвод екінші орынды иеленді. Үшінші орын аса қауіпті инфекция ұлттық ғылыми орталығы нысанын күзету взводының футболшыларына бұйырды.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
