Қазақстан Республикасының Конституциясы – еліміздің ең жоғары заңдық күші бар Негізгі заңы. Конституцияда әрбір азаматтың құқықтары мен бостандықтары, мемлекет пен қоғамның негіздері нақты белгіленген. Бұл құқықтардың жүзеге асырылуы мен қорғалуына кепілдік беретін маңызды орган – Конституциялық сот.Конституциялық сот – мемлекеттің құқықтық жүйесіндегі ерекше орын алатын орган. Ол заңдардың, басқа да нормативтік құқықтық актілердің Конституцияға сәйкестігін тексереді. Егер қандай да бір заң немесе норма Конституцияға қайшы келсе, ол күшін жояды. Бұл – азаматтардың құқықтарының бұзылмауына, әділеттіліктің сақталуына үлкен үлес қосады. Мысалы, егер қабылданған заң адамның жеке өміріне, ар-ожданына немесе меншік құқығына қайшы келсе, азамат немесе ұйым Конституциялық сотқа шағымдана алады. Бұл – құқық бұзушылықтарға тосқауыл қойып, қоғамда заң үстемдігін қамтамасыз етеді. Сондай-ақ, бұл сот мемлекеттің демократиялық қағидаларын нығайтуға көмектеседі.
Конституциялық соттың қызметі тәуелсіздікке, бейтараптыққа және заңдылыққа негізделген. Ол тек Конституцияны басшылыққа алады, саяси қысымдардан тыс жұмыс істейді. Бұл оның әділеттілікті қамтамасыз етудегі маңызды рөлін айқындайды.
Қорытындылай келе, Конституциялық сот – азаматтардың құқықтарын қорғауда сенімді тірек. Ол заңның үстемдігін қамтамасыз етіп, әділетті қоғам құруға ықпал етеді. Сондықтан Конституциялық сотты – құқық қорғаудың басты кепілі деп толық сеніммен айтуға болады.
Орал қаласының №2 сотының
Әкімшісінің басшысының м.а.
Альбина Муканова
