Қазақстан Республикасының Ата Заңы. Конституция 1995 жылы 30 тамыз күні жалпы халықтық референдум негізінде қабылданды және 5 қыркүйек күні өз күшіне енді.
Кез келген демократиялық мемлекеттің өркенді дамуына ықпал ететін іргетас – Конституциясының болуы ажырамас қасиеті. Біз 27 жыл бойы бостандық пен теңдікті, әділдік пен заңдылықты алдыға қояр ең басты құжат – Конституция заңдарымен өмір сүріп келеміз және республиканың жедел дамуының куәсі болдық. Елімізде саяси тұрақтылық пен көп ұлттық қоғамымызда бейбітшілік пен келісім сақталуда. Қоғам өмірінде болып жатқан оңды өзгерістерді біз терең сезінудеміз. Барлық әлеуметтік- экономикалық және қоғамдық-саяси өмірде басушылық байқалуда. Бүгінде ел азаматтарының әлеуметтік құқықтарын қорғауда Конституцияның орны ерекше. Барлық заңдарға бастама болған Ата Заңмен бекітілген азаматтардың құқықтары іскерлік сипатқа ие.
Әрбір Қазақстандық азамат біздің Конституцияызда жария ктілген демократиялық құндылықтарды сақтау және көбейту үшін жауапы және ел келешігінің тұрақтылығы мен өз құқықтарының қорғалатынына сенімді. Ал азаматтардың құқықтарын қорғау- ішкі істер органдары қызметінің негізі болып табылады. Полиция қызметкерлері өз істеріне жауапкершілікті күшейтуде, әр болған оқиғаға жауапкершілікпен қарау әр кез естен шыққан емес. Өйткені азаматтардың жеке өмірі мен денсалығына жауап беруде босаңсуға болмайды. Еліміздің полиция қызметкерлері қоғамдық тәртіпті сақтауда, қылмысқа қарсы күресте, азаматтардың конституциялық құқықтары мен бостандықтарын қорғауда өз өмірлеріне қауіп төндіре отырып, кәсіби біліктілігін ғана емес, азаматтық өр бейнелерін де танытып, өз қызметтік борыштарын үлгілі әрі жанқиярлықпен орындап келеді.
Ішкі істер органдарының қызметі әр полицейдің болмыс-бітімінде адамгершіліктің, төзімділіктің, рухани беріктіктің болуын талап етеді. Осыған байланысты, Қазақстан Республикасы ІІО қызметкерлерінің Әдеп кодексі тек Конституция заңдарын мүлтіксіз сақтаудың бастамасы ғана емес, ант қабылдаған әр тәртіп сақшысы үшін айнымас кәсіби біліктіліктің айнасы болып саналады.
Конституциямыздың қарсаңында Қызылорда станциясы желілік полиция бөлімінің сала қызметкерлері арасында соның ішінде, тергеу бөлімшесі және анықтау тобының қызметкерлерінің қатысуымен салауатты өмір салтын ұстану, әріптестер арасында достықты нығайту және полиция имеджін көтеру мақсатында, «Динамо» спорт кешенінде әр түрлі спорттық іс-шаралары ұйымдастырылып, Конституция күні атап өтілді.
Қызылорда ст.ЖПб тергеу бөлімшесі және анықтау тобының қызметкерлері жұмысының күрделі және ауқымды болуына қарамастан аталған іс-шараға белсенді түрде қатысты.
Соның нәтижесінде тергеу бөлімшесі кіші аяқ добынан жүлделі орынды иеленіп, бөлім басшылығының грамотасымен марапатталды.
Бөлім тергеушілері тек қана қызметте сауаттылықпен, қылмыстық істердің сапалы тергелуін қамтамасыз етіп қана қоймай, кіші аяқ добынан өз шеберліктерін жеке құрам арасында белсенділік көрсетті.
