Ағымдағы жылдың 28ші маусымында Атырау облысы бойынша ҚАЖ департаментіне қарасты №79 мемлекеттік мекемесіне “Атырау қалалық орталықтандырылған кітапханалар жүйесі” КММ мекемесінен “Кітапханадан сый” акциясы аясында 255 дана түрлі әдеби бағытта кітаптар сыйға тартылды.
Жаңа, қызықты, танымдық кітап оқу – кез келген адам үшін үлкен қуаныш және кітап әрқашанда ең керемет сыйлық болып қала береді.
Акцияның мақсаты – кітаптың құдіретiн арттырып, оқуға деген сүйіспеншілікті ояту. Қазіргі таңда түзеу мекемесіндегі сотталған азаматшалар арасында кітап оқитындардың саны күн санап артып келеді. Мекемедегі кітапхана қоры қоғамның патриоттық, рухани-адамгершілік, зияткерлік және мәдени әлеуетін арттыруға, өскелең ұрпақты тәрбиелеуге бағытталған.
