23 сәуір – Ұлттық кітап күніне орай Қызылорда облыстық Ә.Тәжібаев атындағы ғылыми әмбебап кітапханасында «Үздіктер салтанаты» атты тағылымды іс-шара өтті. Мәдени шараға Қызылорда қалалық пробация қызметінің есебіндегі кәмелетке толмаған жасөспірімдер қатысты.
Шара аясында ұйымдастырылған «Кітап – жан азығы, өмір қазығы» атты кітап көрмесін тамашалап, көркем әдебиеттен бастап, тарихи, мотивациялық, ғылыми-танымдық еңбектерге дейін танысты.
-Кітап – тек ақпарат көзі ғана емес, ол – тәрбие құралы, ой серігі, тұлға қалыптастырушы күш. Жеке өзім де кітапхананың тұрақты оқырмандарымын. Қажетті кітаптарды алып, бос уақытымды кітап оқуға арнаймын. Ұйымдастырушыларға алғысым шексіз,- деді есептегі азамат.
Мұндай шаралар – жастарды кітап оқуға баулып, саналы азамат болып қалыптасуына үлкен үлес қосады.