«ЕС-164/3 мекемесі» РММ-де СКО-ның бас имамы Х.Әділбеков және мекеменің теологиялық оңалту жұмысы тобының теологтары Ислам діні татулық пен жарасымдылықтың діні екендігін жазасын өтеуші сотталған азаматардың сана сезімдеріне жеткізу үшін топтық кездесу өткізді.
СҚО-ның бас имамы Х.Әділбеков пен мекеменің теологиялық оңалту тобымен бірлесе отырып, мекемеде жазасын өтеуші сотталғандармен діни көзқараста оң ықпал ету мақсатында дәстүрлі дін құндылықтары түсіндірілді. Оның ішінде Ханафи мәзһабы тұрмысындағы, негізгі иман мен куфр анықтамасы жайлы айтып өтті. Діни сауатсыздықтың нашар болуынан, көптеген күнәлар жасалады. Өйткені діннің түп қазығын түсіну, дінді дұрыс ұғу өте ауқымды, әрі оңай тапсырма емес екендігін ескерген жөн. Сауатсыздық пен білімсіздіктің арқасында көптеген қателіктер мен теріс амалдар жасалынады. Шариғат заңы бойынша үлкен күнә саналатын іс-әрекеттерді жасаушы мұсылманның жағдайы түсіндірілді, шариғаттағы «тағут» сөзінің анықтамасы түсіндірілді. Жалпы берілген материалдарды сотталған азаматтар оң қабылдады. Мекемеде реабилитациялық оңалту жұмысының оң нәтижесі көрінеді. 2022 жылға арналған жаңадан жоспар жасалынып жатыр, діни сауаттылықты арттыру мақсатында теологиялық оңалту жұмысы күшейтілетін болады.
Азамат Калмышев,
«ЕС-164/3 мекемесі» РММ-нің инспектор теологі,
әділет аға лейтенанты
