Кассациялық сот – соттардың заңды дұрыс қолдануын тексеретін жоғарғы сот бақылауының ерекше нысаны. Оның басты мақсаты – сот қателіктерін түзету, азаматтардың құқықтарын қорғау және сот тәжірибесінің біркелкілігін қамтамасыз ету.
Құқықтық мемлекет құру жолында сот жүйесінің әділдігі мен ашықтығы ерекше орын алады. Азаматтардың сотқа деген сенімі – елдегі заң үстемдігінің басты көрсеткіштерінің бірі. Осы тұрғыдан алғанда кассациялық соттарды құру – Қазақстанның сот жүйесін жетілдірудегі маңызды реформалардың бірі болып саналады.
Кассациялық сот құрудың маңызы тек құқықтық салада ғана емес, қоғамдағы сенім мәселесінде де айқын көрінеді. Әлемнің көптеген дамыған мемлекеттерінде кассациялық сот жүйесі жұмыс істеуде. Еліміздің осы тәжірибені енгізуі – халықаралық құқықтық стандарттарға жақындауының нақты көрінісі. Белгілі бір бағыттағы істерді тұрақты қарайтын судьялар тәжірибе жинақтап, құқық нормаларын терең талдайды. Нәтижесінде қабылданатын шешімдердің сапасы артады.
Қорытындылай келгенде, бұл реформа сот жүйесінің сапасын арттырып, заң үстемдігін нығайтады және халықтың сотқа деген сенімін қалыптастырады.
Б.Ердәулет
Қызылорда қаласының мамандандырылған тергеу сотының бас маманы
