ҰҚК төрағасының бұрынғы бірінші орынбасары Самат Әбіш тергеуде. Бұл туралы ҰҚК төрағасының орынбасары Асқар Амерханов мәлімдеді, — деп хабарлайды Tengrinews.kz тілшісі.
«Самат Әбіш те тергеу орбитасында. Ол куәлік береді, оның мәртебесін білмеймін. Ол Қазақстанда. Мен оны өзім көрмедім. Менің ойымша, тергеу жүріп жатыр, ол осында болуы тиіс», — деді Амерханов.
Ол тергеу жалғасып жатқанын және оның анық-қанығы жарияланбайтынын айтты.
«Білесіздер, (қазір тергеуде — еск.) бұрынғы төраға, оның үш орынбасары және тағы төрт аумақтық департамент басшысы — Қызылорда және Алматы обылыстары, Алматы және төртіншісі — бесінші басқарманың бұрынғы басшысы», — деп түсіндірді Амерханов.
Оның айтуынша, бастықтарға қатысты тергеу Мәсімов пен оның орынбасарлары сияқты баптар бойынша, сонымен қатар «Әрекетсіздік» және «Немқұрайлылық» баптары бойынша жүргізіліп жатыр.
