2025 жылғы 24 желтоқсанда Алматыдағы Novotel қонақүйінде фрирайдерлерге, тау туристеріне және қысқы белсенді демалысты ұнататын азаматтарға арналған «Көшкін қаупі бар кезеңдегі таудағы қауіпсіздік» атты кездесу өтеді. Іс-шараны Shymbulak тау курортының Shymbulak Outdoor бөлімі ұйымдастырады. Құтқарушылар, альпинистер және шаңғы гидтері көшкін қаупін бағалау, қауіпсіз фрирайд, төтенше жағдайларда алғашқы көмек көрсету және басқа да маңызды ақпарат бойынша практикалық ұсыныстарды ортаға салады.
Қатысу тегін.
Кездесу барысында келесі тақырыптар қозғалады:
– Shymbulak тау курортының беткейлердегі қауіпсіздікті қамтамасыз ету үшін қабылдайтын шаралары;
– көшкін қаупін анықтау тәсілдері;
– көшкінге тап болған жағдайда әрекет ету алгоритмі;
– қауіпсіз фрирайд ережелері;
– көшкін салдарынан зардап шеккендерге алғашқы медициналық көмек көрсету.
Іс-шараның спикерлері
Виталий Жданов – Shymbulak Outdoor резиденті, альпинизм бойынша спорт шеберлігіне кандидат, География институтының аға ғылыми қызметкері, техника ғылымдарының кандидаты.
Александр Голованов – Shymbulak Outdoor резиденті, альпинизм бойынша үшінші санатты нұсқаушы, жоғары санатты треккинг-гид, Nasvyazi жобасының жетекшісі, Shymbulak тау курортының құтқарушысы.
Юрий Сергеев – Shymbulak Outdoor резиденті, альпинизм нұсқаушысы, апаттық-құтқару қызметінің кезекші ауысымының жетекшісі, 1-сыныпты құтқарушы, Shymbulak тау курортының құтқарушысы.
Максут Жұмаев – альпинизм бойынша Қазақстан Республикасының еңбек сіңірген спорт шебері, халықаралық дәрежедегі спорт шебері, оттегіні қолданбай Жер шарындағы барлық 14 сегізмыңдық шыңға шыққан.
Дарья Пономарева – KMGA кәсіби шаңғы гиді, Powder Nomads жобасының негізін қалаушы, 2023 жылы Антарктидаға Қазақстандағы алғашқы ски-тур экспедициясын ұйымдастырушы, Ленин шыңынан (7134 м) шаңғымен түскен ТМД елдеріндегі алғашқы шаңғышы.
