Алматы қаласындағы Sadu Arena аренасында өткен Nomad Wrestling 2 турнирінде Қазақстан Республикасы Ішкі істер министрлігінің мемлекеттік мекемелерді күзету жөніндегі мамандандырылған күзет қызметінің инспекторы Азамат Бақытов жеңіске жетті.
Жеңімпаз спортшы және бірінші Nomad Wrestling Гран-при жеңімпазы Азамат Бақытов бұл жолы джиу-джитсудан әлем чемпионы Руслан Исраиловпен шықты. Тартысты жекпе жекте қарсыласын екі ұпай артық көрсеткішпен тізе бүктірген Азамат Бақытов спорт сүйер қауымды тосын тәсілдерімен тәнті етті.
Азамат аралас жекпе-жекте жұлдызы жарқыраған спортшы. Ол 2015 жылы Қазақстан чемпионы, 2017 жылы Қазақстан Кубогының чемпионы, 2016 жылы Азия жүлдегері, грепплингтен 5 дүркін Қазақстан чемпионы және 2 дүркін Азия чемпионы, 2018-2019 жылғы әлем чемпионатының финалисі, бірінші Nomad Wrestling көшпенділер ойындарының чемпиондық белдігінің иегері. Сондай- ақ Alash Pride, M-1 Global, NFC, Хардкор-де лигаларында рекорд орнатқан кәсіби спортшы.
Полиция қызметкерлерінің арасында қызметте үлгі көрсетумен қатар, спорт саласында да жеңісті биікті бағындырып жүрген спортшыларымыз аз емес. Солардың ішінде ,Азамат Бақытовтың алып жүрген асулары биік. Бүгінгі Жеңіс спортсүйер қауымды зор қуанышқа бөлеген жеңіс болды.
Алты алаш көз тіккен Nomad Wrestling жарысында екінші рет жүлдегер атанған әріптесімізді спорттағы жеңісімен құттықтаймыз.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
