Бразилияның Токантис штатында жеңіл ұшақ апатқа ұшырады. Оның бортында «Пальмас» клубының төрт футболшысы, команда президенті және ұшқыш болған, бәрі қаза тапты, деп хабарлайды Stan.kz ақпарат агенттігі.
Апат жексенбі күні таңертең команда мүшелері Гояниядағы Вила-Нова командасымен матчқа бара жатқанда болған. Ұшақ жерге құлап, қираған.
«Клуб президенті Лукас Мейра ұшқыш Вагнермен және спортшылар Лукас Пракседешпен, Гильерме Ноэмен, Ранулемен және Маркуш Молинаримен бірге болған ұшақ Токантинс авиация қауымдастығының ұшу-қону жолағында құлады. Өкінішке қарай, тірі қалғандар жоқ екенін хабарлаймыз», — делінген клубтың хабарламасында.