Алматы облысы мен Жетісу облысы бойынша ҚАЖД ЛА-155/14 мекемесінде ер адам телефонды қоршау арқылы лақтыруға тырысты.
Мекеменің тыйым салынған аймағы учаскелерінің бірінде оны лақтыруға әрекет жасаған кезде ер адам ұсталды. Одан 3 дана скотчпен оралған пакеттер табылды. Ер адам тыйым салынған заттарды колония аумағына сотталғандарға лақтырмақ болғаның растады.
Жедел-тергеу тобының қызметкерлері келгеннен кейін жоғарыда аталған пакеттер ашылып, ұялы телефон, 10 зарядтау құрылғысы және 5 құлаққап табылды.
«Өкінішке орай, барлық алдын алу шараларына қарамастан, сотталғандардың туыстары мен достары, сондай-ақ басқа да адамдар тыйым салынған заттарды лақтыру әрекеттерін жалғастыруда. Өз кезегінде, мекеме қызметкерлерінің кәсібилігінің арқасында мұндай әрекеттер жиі тоқтатылады», — деп атап өтті ҚАЖД бастығының міндетін атқарушы Қанат Ашов.
