CTS көлік компаниясы Наурыз мейрамы күндері 22-24 наурыз аралығында Нұр-Сұлтандағы қоғамдық көлік қалыпты режимде жүретінін мәлімдеді, — деп хабарлайды Tengrinews.kz тілшісі.
«Осы жексенбіде, 21 наурызда, Нұр-Сұлтанның бас мемлекеттік санитар дәрігерінің қаулысына сәйкес қалалық және қала маңындағы маршруттардың қозғалысы бір күнге тоқтайды. Қалған күндері, соның ішінде сенбіде қалалық және қала маңындағы маршруттар штаттық режимде жүреді. Маска тағу режимін сақтау керек екенін ұмытпаңыздар. Автобусқа маскасыз кіруге тыйым салынады. Жол жүру ақысы картамен төленеді», — деп хабарлады компания өкілі.
