Елімізде тағы 6 адамнан коронавирус инфекциясының белгілері бар пневмония анықталды, — деп хабарлайды Tengrinews.kz тілшісі COVID-19 таралуына жол бермеу жөніндегі ведомствоаралық комиссияға сілтеме жасап.
«14 ақпанда коронавирус инфекциясының белгілері бар пневмонияның 6 жағдайы және 2 өлім жағдайы тіркелді. Оған қоса 204 адам емделіп шықты», — делінген хабарламада.
1 тамыздан барлығы: ауырғандар саны 48 700-ге жетті, 602 өлім жағдайы тіркелді, ал жазылып шыққандар саны 39 478-ге жетті.
