Ұлттық экономика министрлігі Қазақстанның 2026-2028 жылдарға арналған әлеуметтік-экономикалық даму болжамын мақұлдады. Құжатқа сенсек, үш жылдан кейін қазақстандықтар айтарлықтай көп табыс табады, — деп хабарлайды Massaget.kz тілшісі.
2028 жылға қарай бір қызметкердің орташа айлық табысы 604 963 теңгеге жетуі мүмкін. 2025 жылы бұл көрсеткіш — 423 133 теңге.
Ұлттық экономика министрлігінің ресми болжамына сүйенсек, Қазақстандағы орташа жалақы мынадай болады:
- 2025 жылы — 423 133 теңге;
- 2026 жылы — 500 890 теңге;
- 2027 жылы — 554 154 теңге;
- 2028 жылы — 604 963 теңге.
Нақты жалақы өсімі (инфляцияны есептегенде) төмен болжанған: 2026 жылы 7,6 пайыз өсім, ал 2027-2028 жылдары шамамен 3 пайыз.
Ең төменгі жалақы өзгеріссіз қалады: 85 000 теңге. Ал ең төменгі күнкөріс деңгейі өседі: 2025 жылы 46 228 теңге болса, 2028 жылға қарай 57 405 теңгеге дейін өседі.
