Петропавлда мамандар оқу маусымы басталар алдында базарлар мен дүкендерге барып, мектеп формаларынан сынамалар алған болатын. Соның қорытындысы бойынша Ертіс өңіріндегі мектеп формасының 10 үлгісінің 7-уі санитарлық-эпидемиологиялық бақылаудан өтпеді, деп хабарлайды Stan.kz ақпарат агенттігі 31 арнаның “Информбюро” жаңалықтар бағдарламасына сілтеме жасап.
Сараптама қорытындысы бойынша кейбір өнімдердің бала денсаулығына зияны екені белгілі болды. Мамандар Ұлттық сараптама орталығының Павлодар филиалында мектеп формасын барлық критерийлер бойынша тексерді. Көпшілігі таңбалауға сәйкес келмей, жартысы гигроскопиялық жағынан өтпеген. Киім материалдары ауа өткізбейтін және ылғалдың өтуіне жол бермейтін деңгейде болған. Енді кәсіпкерлер сапа стандарттарына сәйкес нысанды қалыпқа келтіруі қажет.
“Гигроскопиялық көрсеткіш әдетте 7% болуы керек. Ал мұнда бір жарым пайыздан 3,2 пайызға дейін ғана. Тұтастай алғанда өнімдердегі сәйкессіздіктер анықталды. Бұл ең алдымен адам денсаулығына әсер етеді. Өйткені киім сапасы ауа және ылғалды өткізбейтіндей жасалған”,- деді санитарлық-эпидемиологиялық бақылау басқармасының басшысы Айдар Әлменов.
