Жыл сайын дүние жүзінде, оның ішінде Қазақстанда да 1 қазан Халықаралық қарттар күні ретінде атап өтіледі. 1 қыркүйектегі жағдай бойынша елдегі зейнеткерлер саны — 2 млн 503 мың адам, — деп хабарлайды Massaget.kz тілшісі.
Қазақстанда 100 және одан да үлкенірек жастағы 448 азамат бар. Ең қарт қазақстандық Ұлытау облысында тұрады, ол 115 жасқа толған.
Ал Павлодар облысының тұрғыны 113 жаста. Жамбыл облысының тұрғыны 110 жаста.
Қазақстандағы орташа зейнетақы мөлшері қанша?
«1 қыркүйектегі жағдай бойынша республикалық бюджеттен төленетін жиынтық зейнетақының орташа мөлшері — 142 894 теңге, оның ішінде ынтымақты зейнетақы мөлшері — 95 326 теңге, базалық зейнетақы — 47 568 теңге», — деп жазылған хабарламада.
Айта кетейік, бұл мерекені 1990 жылы 14 желтоқсанда Біріккен Ұлттар Ұйымының Бас Ассамблеясы 45-сессияда жариялады.
