Электрондық бақылау құралдары

Электрондық бақылау құралдары (ЭБҚ) — қылмыстық-атқару жүйесінде сотталғандарды бақылау және олардың жүріс-тұрысын қадағалау мақсатында қолданылатын заманауи технологиялық шешімдер.
ЭБҚ-ның негізгі мақсаты — сотталған адамның сот үкімімен белгіленген шектеулерді сақтауын қамтамасыз ету . Бұл құралдар арқылы пробация қызметі сотталғанның жүрген жерін, қозғалыс бағытын және шектеулерді бұзу әрекеттерін нақты уақыт режимінде бақылай алады . 2024 жылда Жамбыл облысы бойынша ҚАЖД Т.Рысқұлов аудандық пробация қызметінде 7 дана электрондық білезік енгізіп, олардың көмегімен 2 тәртіп бұзушының жазасын бас бостандығынан айыруға ауыстырған .
Электрондық бақылау құралдары — қылмыстық-атқару жүйесін ізгілендіру, сотталғандардың құқықтық тәртіпке бейімделуін қолдау және қоғамда қауіпсіздікті нығайту бағытында маңызды құрал . Олардың тиімді қолданылуы құқық бұзушылықтардың алдын алуға және пробациялық бақылаудың сапасын арттыруға ықпал етеді.